Бүгүн, 5-октябрда Жогорку Кеңеште аткезчиликке багытталган мыйзам долбоору каралып жатат. Анда чек ара кызматынын өкүлү Абдыкар Алимбаев 2019-жылдын январь-октябрь айларында чек ара аркылуу Кыргызстанга 21.3 млн адам жана 1.5 млн транспорт бирдиги өткөнүн билдирди.
Анын айтымында, чек арачылар тарабынан 33 млн сомго аткезчилик товар кармалган. Анда 4 тонна кара куурай жана 820 литр баңгизат болгон. Дагы мыйзамсыз ташылып келе жаткан 5 курал-жарак, 11 бирдик ок-дарылар жана 3 снаряд кармалган.
