Аламүдүн районундагы Чоң Чүй каналынан дайынсыз жоголгон 69 жаштагы аялдын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирди.
Аламүдүн районундагы Мурас Ордо жаңы конушунун тургуну 23-январь күнү үйүнөн чыгып кетип, дайынсыз жоголгон. Эртеси, 24-январда айланма жолдогу каналдын көпүрөсүнүн астынан аялдын буюмдары табылган. Кийинки эки күндө издөө иштери улантылып, натыйжа чыккан эмес.
Бүгүн Аламүдүн районунун No1-КБКнын куткаруучулары каналдан аялдын сөөгүн табышты. ӨКМдин кызматкерлери сөөктү суудан чыгарышып, маркумдун жакындарына өткөрүп беришкен.
