Өсүмдүктөрдү химиялаштыруу, коргоо жана карантин департаментинин адистери Чүй облусунун аймагында 2610 гектар аянтты изилденип, анын 1250 гектарында зыянкеч чегирткелерди аныкташты. Бул тууралуу Айыл чарба министрлиги билдирди.

Текшерүү иштери Панфилов районунун Фрунзе, Курама жана Орто-Кайыңды айыл аймактарында, ошондой эле Сокулук районунун Төмөнкү Чүй айыл аймагынын жайыттарында жүрдү.

Министрлик бул боюнча тиешелүү актылар түзүлгөнүң, жакынкы күндөрү аталган аймактарда химиялык иштетүү иштери башталарын билдирди.

Учурда департаменттин адистери тарабынан изилдөө жана күрөшүү чаралары жүргүзүлүүдө.