Укук коргоо кызматкерлери Чүй облусунун үч шаарындагы мектептерде бомба издешти. Бул тууралуу Reporter.kg’ге облустук ИИБдин басма сөз кызматы билдирди.

Кечээ, 24-сентябрда, болжол менен саат 12:44тө Чүй облустук милициясына №5 мектепте бомба коюлганы тууралуу билдирүү түшкөн. Бул номурдагы мектептер облустун үч шаарында болгондуктан, Токмок, Кант жана Кара-Балта шаарларынын мектептери текшерилген.

Милициядан билдиришкендей, билдирүү чындыкка дал келбегени аныкталган.