Ысык-Көл облусунун Түп районундагы К. Үмүталиев атындагы №22 Долон жалпы билим берүү мектебинин кыргыз тили жана адабияты мугалими Элзат Асанова «Жылдын мыкты мугалими» деп табылды. Бул тууралуу Агартуу министрлиги билдирди.

Маалыматка ылайык, республикалык конкурс 22-24-сентябрь күндөрү Бишкек шаарында өткөн. Ага өлкөнүн бардык аймактарынан 111 талапкер катышып, 18 номинация боюнча жарышышкан.

Конкурстун республикалык этабы үч турдан туруп, катышуучулар төмөнкү сынактардан өтүшкөн:

• «Педагогикалык кырдаалдар» – педагогикалык иштин моделдерин билүү жана маселелерди чечүү боюнча тесттик сынак;
• «Мастер-класс» – кесиптик чеберчиликти көрсөтүү;
• «Сабак» – практикалык сабак өтүү сынагы.

Башкы жеңүүчүдөн тышкары калыстар тобунун чечими менен ар бир предмет боюнча жеңүүчүлөр аныкталган:

1. Мыкты башталгыч класстар мугалими – Бишкек шаарындагы №68 Алыкул Осмонов атындагы мектептин башталгыч класстарынын мугалими Ардак Токтоноева;
2. Мыкты орус тили жана адабияты мугалими – Ош шаарындагы №43 З.М. Бабур атындагы мектептин мугалими Озада Салахудинова;
3. Мыкты тарых мугалими – Чүй облусунун Аламүдүн районундагы О. Турсуматов атындагы мектептин мугалими Азирет Асылбеков;
4. «Адам жана коом» предмети боюнча мыкты мугалим – Ош шаарындагы №4 С. Киров атындагы мектептин мугалими Зулхумор Хафизова;
5. Мыкты чет тил мугалими – Ош облусунун Өзгөн районундагы №14 А. Тангатаров атындагы мектептин англис тили мугалими Махабат Шорохова;
6. Мыкты география мугалими – Ош облусунун Алай районундагы №4 Кадырмамат уулу Абдыразак атындагы жатак мектептин мугалими Эрали Абдиев;
7. «Диндердин өнүгүү тарыхы» предмети боюнча мыкты мугалим – Нарын облусунун Кочкор районундагы Н. Жүндүбаева атындагы мектептин мугалими Надира Шаршенбаева;
8. Мыкты музыка мугалими – Ысык-Көл облусунун Тоң районундагы М. Мамбетов атындагы мектептин мугалими Кубанычбек Урпалыев;
9. Мыкты дене тарбия мугалими – Ысык-Көл облусунун Түп районундагы Ж. Асаналиев атындагы мектептин дене тарбия мугалими Асылбек Кыдыров;
10. Көркөм сүрөт искусствосу боюнча мыкты мугалим – Ысык-Көл облусунун Ысык-Көл районундагы А.С. Пушкин атындагы мектептин мугалими Айнура Чынасылова.