Чычкан капчыгайында жол кырсыгы болуп 2 адам көз жумуп 5 адам жаракат алды. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, жол кырсыгы кечээ, 11-мартта Бишкек-Ош унаа жолунун 250-чакырымында, Чычкан капчыгайында болгон. Анда “Тоyota Windom” жана “Toyota Previa” үлгүсүндөгү унаалар кагышкан. Кырсыктын кесепетинен 74 жаштагы жана 32 жаштагы киши көз жумган. Мындар сырткары, 3 киши, 2 аял ар кандай жаракаттарды алып Токтогул райондук ооруканасына жеткирилген.
Окуя болгон жерге барган Өзгөчө кырдаалдар министрлигинин куткаруучулары маркумдардын денелерин унаадан чыгарып милиция кызматкерерине өткөрүп беришкен.
