Чүй облусунда аялын ур-тепкиге алып, сабаган жарандын иши жабылды. Бул тууралуу Жогорку соттун сайтында айтылат.
Маалым болгондой, иш Панфилов райондук сотунда 15-февралда каралган.
Тергөөнүн версиясы боюнча, 30 жаштагы Р.А. аттуу жаран (аттар өзгөртүлдү) быйыл 3-январда болжол менен саат 09:00до аялын ур-тепкиге алган: ал колу, буту жана үбөлүк менен аялын башка, ичке, бутка урган.
Соттук отурумда, териштирүү башталарга чейин, жабырлануучу күйөөсүнө материалдык жана моралдык доосу жок экенин айтып, ага карата кылмыш ишин кыскартууну суранган.
Бул өтүнүчтү айыпталуучу менен анын жактоочусу колдоп, мамлекеттик айыптоочу (прокурор) каршылыгын билдирген эмес.
Жыйынтыгында сот ишти кыскартуу тууралуу чечим кабыл алган.
Биздин Телеграм каналга катталыңыз
