Чүй облусунун Ысык-Ата районундагы “Ивановка” кичи суу сактагычы толук капиталдык оңдоодон кийин ишке берилди. Бул тууралуу Айыл чарба министрлиги билдирди.

Суу сактагычты ишке берүү иш-чарасына айыл чарба министри Бакыт Төрөбаев катышкан.

Аталган суу сактагычтын сугат аянты капиталдык оңдоого чейин 300 гектарды түзгөн. Ал эми оңдоодон кийин анда топтолгон сугат суунун сыйымдуулугу  1,200 млн. м3 чейин көбөйгөн. Мындан улам кошумча 600 гектар айдоо жерге жана 60 гектар кайрак жерге суу берүү мүмкүнчүлүгү кеңейип, жалпы 960 гектар жерди сугарууга шарт түзүлгөн.