Чүйдөгү көлмөлөрдүн биринде кайыктын ичинен балыкчынын жансыз денеси табылды. Бул тууралуу Өзгөчө кырдаалдар министрлигинен билдиришти.

Маалыматка ылайык, Чүй облусунун Москва районундагы Беш-Терек айылында көлмөдө 66 жаштагы адам кайык менен балык улап жаткан учурда белгисиз себептен каза болуп, көлмөнүн ортосунда туруп калган.

Куткаруучулар маркумдун сөөгүн милиция кызматкерлерине өткөрүп беришкен.