Россиялык диетолог Людмила Денисенко «Комсомольская правда» гезитине берген маегинде уйкуну жакшыртуучу азык-түлүктөрдү атады.
Адис бал кошулган бир стакан жылуу сүт жумшак жана коопсуз уктатуучу дары катары кызмат кыларын белгилейт. Ал ошондой эле суусундукту кургатылган банан же курма менен бирге ичсе, анда уктоо оңой болоорун айтат.
Денисенконун айтымында, ачкачылык сезими уктабаганда триптофанга бай калориялуу тамактарды көбүрөөк жесе болот. Ал мындай азыктарга үндүктүн эти кирет деп түшүндүрдү.
«Эгерде сиз уктай албай жатканыңызды сезсеңиз, анда сизге бир кесим үндүк эти кошулган бутерброд жардам берет», — дейт эксперт.
Диетолог кошумчалагандай, жалбыз, мелисса же ромашкадан жасалган чөп чайлары уктаар алдында эс алып, тынчтанууга жардам берет. Ал ошондой эле уктаар алдында сары быштактарды, шоколадды, ашыкча бышкан банандарды жана ышталган балыктарды жебөөгө кеңеш берди.
Буга чейин физиотерапевт Филипп Глубоков катуу куурулган кофе тамак сиңирүүнү басаңдатарын эскерткен. Ал күчтүү кофе менен толук тамактанууну айкалыштырбоо кеңешин берген.
Биздин Телеграм каналга катталыңыз
