Дүйнө жүзүндө тамак-аш боюнча эң арзан мамлекет бул – Кыргызстан. Мындай пикирин президент Садыр Жапаров “Кабар” маалымат агенттигине берген маегинде “Доллардын куну төмөндөсө дагы бензинге, башка азык-түлүккө жана товарларга болгон баалар эмне үчүн арзандабайт?” деген суроого жооп берип жатып билдирди.

Анда президент: “Кошуна мамлекеттер эле эмес, дүйнө жүзү боюнча салыштырып көрсөңөр тамак-аш боюнча эң арзан мамлекет бул – Кыргызстан. Изилдеп салыштырып көрсөңөр толук ынанасыңар. Бир гана күйүүчү май боюнча Казакстан менен Россияда бизге караганда арзан. Бирок бул мамлекеттер нефтинин чордону экенин унутпашыбыз керек. Өздөрүн эле камсыз кылышпастан башка мамлекеттерге дагы экспорт кылышат”, – деп жооп берди.