Алматыда башкы ролду дүйнөлүк кино жылдызы Жеки Чан ойногон «Кудайдын сооту: Ультиматум» (Armour of God: Ultimatum) аттуу эл аралык көркөм тасмасынын тартуу иштери башталды. Долбоордун расмий ачылыш аземи Казакстандын бийлик өкүлдөрүнүн жана эл аралык киноиндустриянын өкүлдөрүнүн катышуусунда өттү.

Посмотреть эту публикацию в Instagram

Публикация от Reporter.kg (@reporter_kg)

Reporter.kg басылмасынын булактарынын маалыматы боюнча, долбоорго Кыргызстандан келген актерлор да катышат. Алардын ысымдары азырынча ачыктала элек, бирок маалыматка ылайык, кастинг-директорлор экшн-сахналарына (төбөлөш, куугун сыяктуу көрүнүштөр) тартылуу үчүн бир нече аткаруучуну бекитишти.

Тартуу иштери 2026-жылдын октябрына чейин созулат. Алар Алматы шаарында, ошондой эле Казакстандын Алматы жана Маңгыстау облустарында өткөрүлөт.

Тасманын дүйнөлүк премьерасы 2027-жылдын февраль айына пландалган.