Бүгүн, 28-октябрда Албанияда күрөштүн олимпиадалык эмес салмактары боюнча чоңдор арасында дүйнө биринчилиги башталат. Мелдеш 31-октябрда жыйынтыкталат.

Чемпионаттын биринчи күнүндө грек-рим балбарынын таймаштары өтөт. Кыргызстандык спортчулардан бүгүн 4 спортчу килемге чыгат.

Грек-рим күрөшү курамасы:

• Улан Муратбек уулу (55 кг);
• Дастан Кадыров (63 кг);
• Ырыскелди Хамзаев (72 кг);
• Азат Салидинов (82 кг);

Курама команда мелдешке улук машыктыруучулар Улукбек Карачолоков, Арсен Эралиев жана башкы машыктыруучу Азат Эркинбаевин жетекчилиги алдында катышат.

Белгилей кетсек, грек-рим күрөшүндө 55, 63, 72 жана 82 кг олимпиадалык эмес салмактар болуп эсептелет.