Кыргызстандык грек-рим күрөшү боюнча балбан Акжол Махмудов (77 кг) Сербияда өтүп жаткан дүйнө чемпионатынын финалына чыкты.
Махмудов килем үстүнө бүгүн, 21-сентябрда чыгып, таймашты 1/16 финалдан баштаган. Ал катары менен норвегиялык, египеттик жана өзбекстандык балбандарды жеңип, жарым финалга чыккан.
Жарым финалда Махмудов япониялык Нао Кусаканы 7:5 эсебинде жеңип алды.
Акжол Махмудов финалга чыгуу менен 2024-жылы Парижде өтө турган Олимпиада оюндарына жолдомо ала алды.
Биздин Телеграм каналга катталыңыз
