Кыргызстандык спортчу Тайырбек Жумашбек уулу Испанияда өткөн күрөш боюнча жаштар арасындагы дүйнө чемпиондугунда күмүш медаль утту.

Турнир 23-октябрда Понтеведра шаарында жыйынтыкталды.

Жумашбек уулу эркин күрөш боюнча мелдешке 61 килограммга чейинки салмак ченинде катышып, 1/8 финалдык баскычтан баштап күч сынашкан. Алгач кыргызстандык спортчу америкалык балбанды 9:0, андан соң колумбиялыкты 11:0 эсебинде утуп алды.

Жарым финалда Жумашбек уулу түрк спортчусун 5:0 эсебинде жеңсе, финалда курч күрөштө Армениянын балбаны менен беттешип, 5:7 эсебинде жеңилип, финалдык 2-орунду, күмүш утуп алды.

Буга чейин Жогорку Кеңештин депутаты Шайлообек Атазов эркин күрөш боюнча Азия чемпиону Жумашбек уулу Таирге авто унаа белек кылган. 

Биздин Телеграм каналыбызга катталыңыз