Кыргызстан Global Peace Index рейтинги боюнча дүйнөдө адам жашоосу үчүн коопсуз өлкөлөрдүн ичинен 91-орунду ээледи.
Былтыр бул тизмеде Кыргызстан 76-орунда жайгашкан.
Рейтингге 163 өлкө кирген. Алардын ичинен эң коопсуз өлкө катары Исландия табылган. Ал эми тизменин эң аягында Ооганстан орун алган.
Борбор Азия мамлекеттеринин арасында Өзбекстан – 86, Тажкистан – 92, Казакстан – 97 жана Түркмөнстан 104-орунга жайгашкан.
Аталган рейтинг 2007-жылдан бери жарыяланып келет. Жашоо үчүн коопсуз мамлекеттердин тизмесин түзүүдө ички жана сырткы чыр-чатактар, коңшу мамлекеттер менен болгон мамиле, саясий террор, саясий туруксуздук, коомдук тартип, курал-жарактардын импорту жана экспорту, күч түзүмүндө иштегин адамдардын саны, аскердик чыгымдардын ИДПдагы үлүшү, жасалган оор кылмыштардын саны жана башка көрсөткүчтөр эске алынат.
Бардык жаңылыктар Телеграм каналда
