Министрлер кабинетинин төрагасынын орун басары Эдил Байсалов «Айыл банктын» төрагасынын орун басары Бакыт Асанбаев өз жанын кыйганына ишенет. Бул тууралуу ал журналисттерге УКМКнын СИЗОсуна барганда билдирди.
Анын айтымында, соттук-медициналык экспертиза жүргүзүлүп, эки жуманын ичинде корутундусу даяр болот.
Байсалов өзү жетектеген комиссиянын алдында тергөө абагында жайгашкан байкоочу камералардагы видеону карап чыкканын айтты.
«Бүгүн 4-ирет комиссиянын отурумуна чогулабыз. Аскер прокуратурасы тарабынан кызматтык иликтөө жүрүп жатат. Кечээ биз видео жазуу менен тааныштык деген мааниде бир топ оор жолугушуу болду. Түз факты жок, бирок кыйыр маалыматтар боюнча бардыгы 99,9999% жокко чыгарылган, ал камерада жалгыз болгон. Ал жерде дээрлик бир көз ирмем көрүнүп турат: көлөкөдө адам кантип өз жанын кыйганын көрүүгө болот. Муну үй-бүлө мүчөлөрү да текшере алышкан.
Маселе бул эки трагедияда гана эмес, бул өзгөчө кырдаал, бул чоң кемчилик, бирок бул жерде түшүнүктүү, эч кандай адам өлтүрүү болгон эмес. Медициналык экспертизанын жыйынтыгын күтүп жатабыз», — деди Басаилов Асанбаевдин өлүмүнө комментарий берип жатып.
Казакпаевдин өлүмү боюнча анын ооруп калганын үй-бүлөсү тастыктап, көп дары ичкенин айтты.
Эске салсак, УКМКнын СИЗОсунда коррупцияга шектелип кармалган «Айыл Банк» ААКтын төрагасынын мурдагы орун басары Бакыт Асанбаев асынып алган жеринен табылган.
Марат Казакбаев УКМКнын СИЗОсунан түшкөн №1 шаардык ооруканада комадан чыкпай каза болду.
Бул эки факты боюнча комиссия түзүлгөн.
