Казакстандын Улуттук коопсуздук кызматы издөө салган жаран Бишкектен кармалып, ал убактылуу кармоочу жайга киргизилди. Бул тууралуу Биринчи Май райондук ички иштер башкармалыгынын басма сөз кызматы билдирди.
Маалыматка ылайык, иштин материалдары Казакстанга өткөрүп берүүнү уюштуруу үчүн Башкы прокуратурага жөнөтүлдү.
Казакстандын Улуттук коопсуздук комитети Казакстандын Кылмыш-жаза кодексинин 392 -беренеси (Казакстандын мамлекеттик чек арасын атайылап мыйзамсыз кесип өтүү) боюнча шектелген чет элдик жаранга издөө салган
Райондук милицияга издөөдө жүргөн чет элдик жаран Бишкекте жашырынып жүргөнү тууралуу маалымат келип түшкөн. Анын негизинде 42 жаштагы Кытай жараны 24-сентябрда кармалган.
