Ош облусунун Араван районунда пахта жыйноо иштери башталды. Быйыл район боюнча 1 252 гектар жерге пахта эгилген.

Айыл чарба министрлигинин маалыматында, быйыл түшүмдүүлүк гектарынан 60–70 центнерге чейин жетүүдө. Райондо негизинен кытайлык «Элита» сорту өстүрүлөт. Түшүм өндүрүүдө тамчылатып сугаруу ыкмасы, ал эми жыйноодо пахта терүүчү комбайндар колдонулууда.

Мекеме пахтанын сатуугы баасы дүйнөлүк биржадагы көрсөткүчтөргө жараша белгиленет. Чогултулган түшүм жергиликтүү кабыл алуучу ишканаларга өткөрүлүп, андан ары Кытай, Иран, Орусия жана башка өлкөлөргө экспорттолот.