Математика боюнча Британияда өткөн олимпиадада кыргызстандык мектеп окуучулар төрт медаль алышты. Бул тууралуу Билим берүү жана илим министрлиги билдирди.

Ага 108 мамлекеттен 609 адам катышып, Кыргызстан командалык эсепте 29-орунга чыкты. Олимпиада жыйынтыгы боюнча мамлекеттердин рейтингинин алдыңкы үчөө АКШ, Кытай, Түштүк Корея болсо, Финляндия 36, Казахстан 43, Малайзия 44, Эстония 47, Швейцария 50, Индия 51, Өзбекстан 61, Сауд Арабиясы 63-орунду ээледи.

61-мектептин окуучусу Назар Кыргызбаев алтын медаль алды. “Газпром” мектебинен Ян Бобрус, “Сапаттын” окуучулары Искен Кенжебаев жана Элдар Искендеров күмүш медаль утушту. Дагы 2 окуучусу ардак грамота менен сыйланды.

Улуттук курама команданын тренери – Мамат Ишматов.