VI Дүйнөлүк көчмөндөр оюндарынын жүрүшүндө мүмкүнчүлүгү чектелген конокторду коштоп жүрүү үчүн Эмгек, социалдык камсыздоо жана миграция министрлигинин 100гө жакын адиси тартылды. 1-сентябрдан 6-сентябрга чейин нөөмөттөгү кызматкерлер көрүүчүлөргө аянтчаларда багыт алууга, кеңеш берүүгө жана кыймыл-аракеттерине көмөктөшүшөт.

Майыптар коляскасындагы адамдар үчүн «Газпром» дене тарбия-ден соолукту чыңдоо комплексинин аймагында атайын коштоочу транспорт бөлүндү, ал конокторду таймаштар өтүп жаткан жайларга түздөн-түз жеткирет. Ошондой эле бардык аянтчаларга түшүнүктүү навигациялык белгилер орнотулду.

Министрликтин кызматкерлерин атайын брендирленген желеттери аркылуу оңой эле таанууга болот. Ведомстводон белгилешкендей, нөөмөттүн негизги максаты — Оюндарга келген ар бир көрүүчү үчүн инклюзивдүү, коопсуз жана тоскоолдуксуз чөйрөнү түзүү.