Кыргызстандык эркин күрөш боюнча спортчу Эрназар Акматалиев UWW Эл аралык күрөш федерациясынын версиясы боюнча дүйнөлүк рейтингде биринчи орунду ээледи.
Жаңыланган рейтинг Түркиядагы биринчи Ranking Series турниринин жыйынтыгы боюнча түзүлдү. Стамбулда өткөн Yasar Dogu, Vehbi Emre & Hamit Kaplan турниринде Акматалиев 70 килограммга чейинки салмак ченинде чейрек финалга чыкты.
Эми Акматалиевдин эсебинде 45520 упай бар, бул дүйнөлүк рейтингде биринчи орунга көтөрүлүүгө мүмкүндүк берди.
Буга чейинки рейтингде Акматалиев экинчи орунда болчу.
