Эртең, 31-августта, Эгемендүүлүк күнүнө карата уюштурулган майрамдык иш-чараларга байланыштуу борбор калаада айрым көчөлөр жабылат.

Шаардык мэриянын маалыматына ылайык, саат 06:00дөн түн ортосуна чейин Ала-Тоо аянты, Чүй проспектисинин бир бөлүгү жана Абдумомунов көчөсү унаа кыймылы үчүн жабык болот.

Кечкисин Ала-Тоо аянтында концерттик программа өтүп, шаар тургундары менен коноктору үчүн майрамдык иш-чаралар уюштурулат.

Бишкек шаардык мэриясы айдоочуларды маршрутуун алдын ала пландаштырууга чакырып, көчөлөрдө тыгындар күтүлөрүн эскертти.