КР Айыл чарба министрлигинин Балык чарба департаменти 2026-жылга өлкөнүн дарыяларында спорт жана ышкыбоздук балык уулоого расмий лимиттерди бекитти. Чектөөлөр Ысык-Көл жана Амударыя форелине, ошондой эле дарыя көк чаарына (осман) тиешелүү.

Аталган балык түрлөрүн кармоого бөлүнгөн квоталардын чегинде гана катуу уруксат берилет. Бекитилген көлөм толук өздөштүрүлгөндөн кийин форель жана көк чаар балыгын кармоого толугу менен тыюу салынат. Белгиленген нормадан ашык балык кармоо мыйзамсыз балыкчылык деп эсептелет жана административдик жоопкерчиликке тартылып, ири өлчөмдө айып пул салынат.

Ведомство балыкчыларга дарыяларга чыгаардан мурун колдонуудагы лимиттер менен алдын ала таанышып чыгууну жана сейрек кездешүүчү түрлөрдүн популяциясын сактап калуу үчүн балык уулоо эрежелерин так сактоону сунуштайт.