Футболчу Азамат Байматов Кыргызстандын футбол боюнча улуттук курамасына чакырылды. Бул тууралуу Кыргызстандын футбол бирикмеси билдирди.
Белгилүү болгондой, Кыргызстандын курамасы жаңы келген машыктыруучу Штефан Тарковичтин жетекчилиги астында 1-июндан 9-июнга чейин Бишкек шаарында окуу-машыгууларын өткөрөт. Окуу-машыгуулар 10-июндан 20-июнга чейин өтө турган CAFA NATIONS CUP-2023 турнирине даярдык катары өткөрүлөт.
Курамага чакырылган оюнчулардын кеңейтилген тизмесинде Кыргызстандын курамасынын мурдагы капитаны, коргоочу позициясында ойногон Азамат Байматов бар. Ал акыркы жылдары Кыргызстандын курамасынын оюндарына чакырылбай калган. 2021-жылы Байматов Кыргызстандын футбол бирикмесинин ошол кездеги жетекчилигин жана мурдагы машыктыруучу Александр Крестининди сындап чыккан.
Азамат Байматов учурда «Алга» клубунда ойноп келет. Учурда 33 жашта.
Окуу-машыгууларга чакырылган оюнчулар:
Дарбазачылар:
- Токотаев Эржан (Каспий,Казахстан)
- Коченков Антон (Арсенал Тула,РФ)
- Чомоев Султан (Дордой)
- Прядкин Артем (Дордой)
Коргоочулар:
- Кичин Валерий (Енисей,РФ)
- Браузман Християн (Абдыш-Ата)
- Акматов Айзар (Абдыш-Ата)
- Мищенко Александр (Дордой)
- Жыргалбек уулу Кайрат (Аксу,Казахстан)
- Козубаев Тамирлан (Истерн,Гонконг)
- Сагынбаев Бекжан (Китчи, Гонконг)
- Байматов Азамат (Алга)
- Мамыралиев Суйунтбек (Дордой)
- Изаков Кайрат (Абдыш-Ата)
Жарым коргоочулар:
- Атабаев Эрбол (Динамо Махачкала,РФ)
- Абдурахманов Одилжон (Мактаарал,Казахстан)
- Рустамов Турсунали (Дордой)
- Давыдов Николай (Изманинг, Германия)
- Алыкулов Гулжигит
- Узденов Магамед (Алга)
- Жалилов Рауль (Алга)
- Жумашев Атай (Абдыш-Ата)
- Мерк Кай (Унион-Титус-Петанж, Люксембург)
- Дүйшөбеков Бактыяр (Мурас-Юнайтед)
- Мусабеков Фархат (Абдыш-Ата)
- Азаров Азим (Абдыш-Ата)
Чабуулчулар:
- Молдожунусов Элдар (Нефтчи)
- Жоэл Кожо (Динамо Самарканд, Узбекистан)
- Батырканов Эрнист (Келантан Юнайтед, Малайзия)
- Мурзаев Мирлан
- Алмазбеков Бекназ (Галатасарай, Турция)
- Землянухин Антон (Алга)
- Алыгулов Максат (Абдыш-Ата)
Биздин Телеграм каналга катталыңыз
