Кыргызстандын футзал боюнча улуттук курама командасы Борбор Азия футбол ассоциациясынын чемпионатында экинчи жеңишке жетишти.

Турнир ушул күндөрү Дүйшөмбү шаарында (Тажикстан) өтүп жатат.

Тайпалык баскычтын 2-турунун алкагындагы беттеште кыргызстандыктар талаа ээлери менен беттешип, 4:2 эсебинде жеңишке жетишти.

Эки голду Кенжебүбү Ырысбек кызы киргизсе, Нурсулуу Мурзакулова менен Медина Рыспекова дагы бирден гол киргизишти.

Биринчи турда кыргызстандыктар Түркестандын командасын 3:1 эсебинде утуп алган. Эки раунддун жыйынтыгы менен  Кыргызстандын командасы 6 упайга ээ болуп, 1-орунду ээледи.

7-февралда Кыргызстандын курама командасы Иран менен беттешет.

Биздин Телеграм каналга катталыңыз