Кыргызстандык Айпери Медет кызы күрөш боюнча Дүйнө чемпиондугунда алгачкы беттешинде Мария Оряшкованы бир мүнөткө жетпей утуп, чейрек финалга өттү.

76 килограмм салмак чен бирдигинде күч сынашкан атлеттердин 1/8 финалдык баскычындагы беттеши 10:0 эсебинде Медет кызынын таза техникалык артыкчылык менен аяктады. Айпери эми кийинки бөлүктө орусиялык Марина Суровцева менен күрөшөт.

Дүйнө чемпиондугу ушул күндөрү Норвегиянын Осло шаарында өтүп жатат.