Москвада кыргыз, өзбек спортчуларынын WEF лигасынын тандоо турунда күйөрмандардын ортосунда чуу чыкты. Бул туурасында социалдык тармактарга маалыматтар тарады.

Маалыматтарга караганда, жаңжал өзбекстандык спортчу кыргыз балбанынын жаак талаштыра тепкенинен улам башталган. Намазан Самиев таймашта жеңишке жеткенден кийин “ким менен болсо да күрөшкөнгө даярмын” деп билдирген соң капысынан сокку урганы айтылат. Андан кийин ондогон күйөрмандар эки жаатка бөлүнүп алып мушташып кетишкен. Натыйжада жаңжал токтотулган.