Өзгөндө жол кырсыгынан бир киши көз жумду. Бул туурасында жергиликтүү  жол кыймылын көзөмөлдөө башкармалыгынан билдиришти.

Маалыматка караганда, 23-декабрда саат 02:50 чамасында Өзгөн шаарынын Манас көчөсүндө Дөң-Булак айылынын 16 жаштагы тургуну «Хонда Жаз» үлгүсүндөгү унаасы менен бара жатып, рулду башкара албай, жолдун четиндеги электр мамысын сүзгөн. Мындан улам унаанын ичиндеги Дөң-Булак айылынын тургуну, жүргүнчү 17 жаштагы жаран оор жарааттан улам окуя болгон жерде каза тапкан.  Ал эми унаанын айдоочусу менен дагы бир 15 жаштагы дагы бир жүргүнчү  ар кандай жараат алып, Өзгөн районунун ооруканасына кайрылышкан.

Учурда текшерүү иштери жүргүзүлүүдө.