Улан-Батордо (Монголия) өтүп жаткан күрөш боюнча Азия чемпионатында кыргызстандык Мээрим Жуманазарова биринчи беттеште жеңишке жетти.
68 килограммга чейинки салмак категориясында жети спортчу жарыяланды. Алар тайпаларга бөлүнүп, алардан эки кыз жарым финалга чыгат.
Мээрим Жуманазарова биринчи раундда казакстандык Мадина Бакбергенованы 5:0 эсебинде жеңип алды.
Экинчи турда Мээрим Жуманазарова кореялык Сужин Парк менен беттешет.
Мелдештин түз эфирин Бириккен күрөш дүйнөсүнүн сайты көрсөтүүдө.
