20-21-22-май күндөрү Казакстандын Нурсултан шаарында спорттук жана бал бийин аткаруучулардын дүйнөлүк “Silk Way-2022” фестивалы өтүп, анын алкагында Ачык Азия кубогу өттү. Бул туурасында уюштуруучулар билдиришти.

Маалыматка караганда, Кыргызстандын Бий спорту федерациясынын бийчилери бул фестивалга катышты. Ага алыскы жана жакынкы чет мамлекеттердин 10 өлкөдөн бир жарым миңден ашык спортчулар чогулушту.

Дүйнөлүк фестивалда кыргызстандык спортчулар мыкты жыйынтык көрсөтүштү:

1. Фарух Мамаджанов менен Регина Лисовская экөө бийлешкен дуэт чемпион болуп, чоңдор категориясында Азиянын Ачык Кубогун жеңип алышты.
2. Говард Чолпонбаев менен Айбийке Нурланованын дуэти да чемпион болуп, жаштар категориясында Азиянын ачык кубогунун жеңүүчүсү болуп калды.
3. Дмитрий Блинков менен Асал Мамбетованы дуэти вице-чемпион наамына камсыз кыла алышты. Азиянын Ачык Кубогунун жаштар категориясы боюнча экинчи, жаштар арасында “Rising Stars” жеңүүчүсү деп табылды.