БУУнун климаттын өзгөрүшү боюнча кеңсесинин башчысы өкмөттөр климат боюнча пландарын күчөтүп, алдыдагы сегиз жылдын ичинде ишке ашыруусу керек дейт.
Бириккен Улуттар Уюмунун жаңы баяндамасында дүйнөдөгү климат боюнча өкмөттөр 2015-жылдагы Париж келишимине ылайык, температуранын 1,5 градус Цельсийге чейин көтөрүлүшүн чектөө үчүн жетишсиз бойдон калаарын эскертет.
БУУнун климат боюнча эксперттери шаршемби күнү планета климатка байланыштуу бороон-чапкындардан, ысык толкундардан жана суу ташкындарынан жапа чегип жатканын, температура өнөр жайга чейинки деңгээлден 1,2 градуска жогору экенин айтышты.
«Бизди абанын температурасы 1,5 градуска жеткен дүйнөгө алып баруу үчүн зарыл болгон эмиссияны кыскартуу масштабынан жана темпинен дагы эле алыспыз. Бул максатты жүзөгө ашыруу үчүн өлкөлөр климаттын өзгөрүшүнө каршы аракеттенүү пландарын азыртадан күчөтүп, кийинки сегиз жылдын ичинде ишке ашыруусу керек», — деди БУУнун Климаттын өзгөрүүсү боюнча аткаруучу катчысы Саймон Стил.
БУУнун климат боюнча эксперттери Париж келишиминин максатына жетүү үчүн 2030-жылга чейин 2010-жылдагы денгээлдеги булганыч газдардын көлөмү 43 пайызга кыскарышы керектигин айтышты.
Бирок БУУ өзүнүн акыркы отчетунда өкмөттөрдүн учурдагы милдеттенмелери 2030-жылга карата абага чыгарууну 10,6% көбөйтөт деп билдирди.
Ошол эле баяндамада бул өткөн жылдагы баалоодон «жакшыруу» экени айтылат, анда өлкөлөр 2030-жылга чейин абага зыяндуу заттардын көлөмүн 13,7 пайызга көбөйтөт.
Стилдин айтымында, бардык өлкөлөр өткөн жылы климаттык кризисти чечүү боюнча глобалдык иш-чара болгон Тараптардын 26-конференциясында (COP26) өз климаттык пландарын карап чыгууга жана бекемдөөгө макул болгонуна карабастан, ошондон бери 24 гана өлкө жаңыланган же жаңы климаттык пландарды тапшырганы тынчсызданууну жаратты.
«Өкмөттүн чечимдери жана аракеттери биз туш болгон коркунучтардын оордугун жана климаттын кескин өзгөрүшүнүн кыйратуучу кесепеттерин болтурбоо үчүн убакыттын жетишсиздигин чагылдырышы керек«- деди ал.
24 өлкөгө Боливия, Вануату жана Уганда, ошондой эле негизги эмиссия кылган Индия жана Индонезия кирет. Булар токойлорду кыюудан жана жерлерди тазалоодон укмуштуудай зыян алып келишүүдө. Ошол себептен 2030-жылга чейин эмиссиянын деңгээлин кеминде 31,89 пайызга кыскартыштары керек.
Глобалдык масштабда, жетишсиз убадалар дүйнөнү 2100-жылга карата Цельсий боюнча 2,5 градус ысый турган багытка салды.
Отчет дүйнөлүк лидерлер COP27 үчүн Египетте чогулаардан эки жумага жетпеген убакыт мурун чыкты.
Шарм-эль-Шейхте 6-ноябрдан 18-ноябрга чейин боло турган климат боюнча сүйлөшүүлөрдө негизги маселелердин бири жакыр өлкөлөргө зыяндуу заттарды чыгарууну кыскартууга жана алардын туруктуулугун жогорулатууга жардам берүү үчүн каражат берүү болуп калат.
БУУнун башкатчысы Антонио Гутерриш ушул айдын башында дүйнөлүк органдын Башкы ассамблеясында «COP27 турмуштук адаптация жана туруктуулукту каржылоо боюнча айкындыкты алып келе турган жер болушу керек» деп, Египеттеги окуя «жоготууларга олуттуу чара көрүү үчүн жер болушу керек» деп кошумчалады.
Биздин Телеграм каналга катталыңыз
