Баңгизат сатууга шектелип 20 жаштагы жигит кармалды. Бул тууралуу ИИМдин Баңгизатка каршы күрөшүү кызматынан билдиришти.

Маалыматка ылайык, кармалган жигит Чүй жана Бишкекте “мефедрон” психотроптук заттын сатуу менен алектенген деп шектелүүдө. Ал 4-январда колго түшүп, андан 1 млн сомдук “мефедрон” табылып алынган.

Ага Кылмыш-жаза кодексинин 282-беренеси (баңги каражаттарын, психотроптук заттарды жана алардын аналогдорун сатуу максатында мыйзамсыз даярдоо) боюнча кылмыш иши козголгон.

Учурда бул ишке тиешеси бар адамдарды аныктоо иштери жүрүүдө.