Америкалык ишкер Илон Маск АКШ президенти Дональд Трамптын Украинага жаңы президент шайлоо зарылдыгы тууралуу билдирүүсүн колдоого алды. Бул тууралуу бизнесмен өзүнүн социалдык тармактагы баракчасына жазды.

«Кошулам, Украинага жаңы лидер шайлоого убакыт келди», — деди Маск Трамптын Украинанын жетекчилигин алмаштыруу боюнча чакырыгына комментарий берип жатып.

Мындан тышкары, ишкер Украинанын Орусиянын мунай кайра иштетүүчү заводдоруна (МКЗ) жасаган соккулары тууралуу да өз оюн билдирди.

«Зеленский өтө эле аша чаап кетти», — деп жазды Маск Трамптын мындай чабуулдарды токтотуу керектиги жөнүндөгү билдирүүсүнө жооп катары.

Буга чейин Дональд Трамп Украинаны Орусия менен болгон жаңжалды жөнгө салуу боюнча келишимге келе ала турган жаңы президент шайлоого чакырган.

Америкалык лидер ошондой эле Орусиянын МКЗларына сокку ургандыгы үчүн Зеленскийди сынга алып, бул аракеттер дүйнөлүк рынокко дизелдик күйүүчү майдын ташылышына көйгөйлөрдү жаратып жатканын айткан.