Алматы шаарында үч күн мурун дайынсыз жоголгон 19 жаштагы кыздын жансыз денеси табылды. Бул тууралуу Казакстандын басылмалары жазып чыкты.
Маалыматка ылайык, 19 жаштагы Аяжан Эдилованын туугандары кыз жоголгонун айтып, жардам сурашкан. Аяжан 19-март күнү кечинде жумуштан чыгып, үйүнө кайтып келген эмес. Кыздын жакындары 20-мартта милицияга телефон чалып, кыз дайынсыз болуп жаткандыгын айткан.
Тергөө учурунда кыз жоголгон күнү социалдык тармактарда таанышкан жигит менен жолугушууга чыккандыгы аныкталган. Кыз кылмыштын курмандыгы болгону айтылат.
Ал эми шектүү катары 1993-жылы туулган Түркстан облусунун тургуну кармалган. Ага карата “Адам өлтүрүү” боюнча кылмыш иши козголгон.
