Ислам тилектештик оюндарында кыргызстандык кикбоксчу Азиз Бийхуров коло медаль тагынды. Бул тууралуу Кыргызстандын Улуттук олимпиада комитетинен билдиришти.
Ал 57 килограмм салмакта таймашып, жарым финалда түркиялык мушкерге жеңилип калган. Жыйынтыгында коло медалга татыды.
Эскерте кетсек, Ислам тилектештик оюндары Түркиянын Конья шаарында өтүүдө. Аталган мелдеште Кыргызстандын спортчулары 8 алтын, 8 күмүш жана 14 коло ала алды.
Бардык жаңылыктар Телеграм каналда
