Ош облусунун Алай районунда дайынсыз жоголуп, изделип жаткан 17 жаштагы Зарина Авазбек кызы Бишкек шаарынан табылды. Бул тууралуу ИИМдин басма соз кызматы билдирди.
Маалыматка караганда, табылган өспүрүм кыз ата-энесине өткөрүлүп берилген.
Буга чейин Кара-Суу районунун Мады айылынын 17 жаштагы тургуну Авазбек кызы Зарина 29-апрелде болжол менен саат 13:30дө Алай районунун Гүлчө айылынан чыккан бойдон кайтып келбегендиги маалымдалган. Мындан улам Алай райондук ички иштер бөлүмү Заринаны табууга көмөктөшүүнү суранган.
