Баткендин Кадамжай районунда мыйзамсыз аңчылык кылгандар кармалды. Бул тууралуу облустук милициядан билдиришти.

Милициядан белгилешкендей, аңчылык мезгили аяктаганына карабастан, эки жаран Айрыбаз айыл аймагынын Кожо-Кайыр жайлоосунда аң уулоого чыгып, 14 кекиликти аткан. Алар Айрыбаз айылдык милиция бөлүмчөсүнүн кызматкерлери тарабынан кармалган.

Учурда аталган факт каттоого алынып, тергөө иштери жүрүүдө.

Милиция 20нан 28-февралга чейин Баткенде “Мал ууру”, “Касапчы” аталышындагы иш-чаралар жүрүп жатканын билдирди.