Бишкек шаардык милициянын кайгуул кызматы жарандарды велосипед менен жүрүүдө жол эрежесин сактоого чакырат. Бул тууралуу түзүмдүн басма сөз кызматы маалымдайт.
Андагы маалыматта, велосипед айдагандарга төмөнкү эрежелерди так сакташы керектиги көрсөтүлгөн:
– бир колу эмес, сөссүз эки колу менен велосипедди башкаруу;
– жаш балдарды муктаждык болбосо кошумча орунга отургузбоо;
– велосипед менен кошумча жүк ташыбоо;
– жеке коопсуздук үчүн башка жөө жүргүнчү жана унаа башкарып келе жаткан айдоочуларга жолтоо болбош үчүн жөө адамдар өтүүчү жайлардан өтүүдө велосипедден түшүп жетелеп өтүү;
— түнкү убакта жүргөн учурда атайын жарык берүүчү чыптамалар менен же жарыктандыруучу шаймандарды колдонуу.
Милициянын кайгуул кызматы жогорудагы эрежелерди сактабагандар кандай тартиптик же административдик жазага тартыларын айткан эмес.
