Борбордук шайлоо комиссиясы Бишкектин Биринчи Май жана Свердлов бир мандаттуу шайлоо округдары боюнча кайталап шайлоого катышуучу шайлоочулардын акыркы тизмеси качан даяр болорун билдирди.

16-февралга чейин шайлоочулар тизмеге тактоолорду киргизе алаары көрсөтүлгөн. Акыркы тизме 20-февралдан кечиктирбестен чыгат. БШК эгер шайлоочу Ленин же Октябрь районунда жашап, бирок Свердлов же Биринчи Май районунда катталган болсо, анда ал добуш бере ала турганын эскертет.

Жалпысынан эки шайлоо округу боюнча шайлоочулардын саны 212 миң 870 адамды түзөт.

7-февралга чейин Борбордук шайлоо комиссиясы талапкерлерди катташы керек. Үгүт иштери 7-февралда башталып, 26-февралда саат 8.00дө аяктайт. Кайра шайлоо 27-февралда өтөт.