Кара-Балта дарыясына түшүп кеткен кыз изделүүдө. Бул тууралуу Өзгөчө кырдаалдар министрлигинен билдиришти.

Маалыматка караганда, бүгүн, 5 майда кечки саат 18:50дө Чүй облусунун Жайыл районунун Бишкек — Ош унаа жолунун 97-98-чакырымында Кара-Балта дарыясына 14 жашар кыз агыны шар сууга агып кеткени тууралуу маалымат түшкөн.

Издөө иштерин жүргүзүү максатында жерине Кара-Балта шаардык Жайыл райондук №22 ӨКБдан капитан Байыш Мукашов жетектеген 3 куткаруучу тартылган. Буга кошумча Куткаруучуларды даярдоочу мамлекеттик борбордун 4 суучулу издеп-куткаруу иштерин аткарышкан.

Издөө иштеринен натыйжа чыкпай, түн кирип кеткендигине байланыштуу убактылуу токтотолду. Эртең таң эрте кайрадан издөө иштери улантылат.

Биздин Телеграм каналга катталыңыз