Чүйдүн Кара-Балта шаарында пенсионер кемпирдин акчасын уурдоого шектелип эки аял кармалды. Бул тууралуу облустук милициядан билдиришти.

Милициянын маалыматы боюнча, 18-декабрда эки аял 77 жаштагы пенсионер кемпирдин үйүнө келип, ага байкатпай 600 миң сомун уурдап кеткен. Пенсионер милицияга арыз жазган.

Аталган факт боюнча “уурулук” беренеси менен кылмыш иши козголгон.

Иликтөө иштеринин натыйжасында шектүү катары 30 жаштагы И.Т. жана 26 жаштагы М.М. аттуу аялдар кармалган.

Учурда тергөө иштери жүрүүдө.