Өзүнүн тааныш кызын унаага сейилдетүү үчүн автомобиль уурдаган 31 жаштагы мырза  кылтакка илинди. Бул туурасында Чүй милициясы кабарлады.

Алар тараткан маалыматка караганда, 17-июль күнү Каракол шаарынын “Восход” кичи районунан Хонда Одиссей унаасын уурдатканы боюнча жергиликтүү тургун  күч органына кайрылган. Кийинчерээк уурдалган унаа  Ысык-Көл районунун Ананьево айылынан табылган. Бирок, кылмышка шектүү табылбай келген.

Окуя болгон учурдан тарта милиция кылмыш ишин козгоп издей башатаган. Натыйжада 31 жаштагы Т.У. аттуу жаран  колго түшкөн. Ал күнөөлөрүн моюнга алып, учурда тергөө иштери уланууда. Көрсө, буга чейин да кылмыш кылып жүргөн экен.