Прокуратура жергиликтүү өз алдынча башкаруу органдары менен биргеликте Каракол шаарында мыйзамсыз курулган турак үйдү сүрдүрдү. Объект аянты 450 чарчы метр болгон айыл чарба багытындагы жер тилкесине укук белгилөөчү жана уруксат берүүчү документтерсиз, ошондой эле жердин максаттуу багытын бузуу менен курулган.

Жер тилкеси баштапкы абалына келтирилди. Жерди өз алдынча басып алуу жана мыйзамсыз курулуш фактысы боюнча Кыргыз Республикасынын Кылмыш-жаза кодексинин 212-беренеси менен кылмыш иши козголду. Учурда тергөө иш-чаралары улантылууда.

Көзөмөл иш-чаралары Кыргыз Республикасынын Президентинин «Жерлерди мыйзамсыз өз алдынча басып алуу фактыларынын алдын алуу жана бөгөт коюу боюнча чаралар жөнүндө» Жарлыгын аткаруунун алкагында жүргүзүлүүдө.