Президент Садыр Жапаровдун тапшырмасына ылайык, Каракол шаарынын башкы планынын негизинде 30 гектардан ашуун аймакта 69 көп кабаттуу үй курулууда. Жалпы 3105 батир пландалган. Бул тууралуу презииденттин Иш башкармалыгы маалымдады.

Каныбек Туманбаевдин айтымында, быйыл алгачкы үйлөр толук бүткөрүлүп, батирлердин ачкычтары жаңы ээлерине тапшырылат. Курулуш иштери кызуу улантылып, жыл аягына чейин бир нече үй жарандарга берилери күтүлүүдө.

Бул — мугалимдерди, дарыгерлерди жана үйгө муктаж жарандарды турак жай менен камсыз кылууга багытталган мамлекеттик социалдык долбоор.