Казакстандын президенти Касым-Жомарт Токаев Садыр Жапаровду жана кыргызстандыктарды өлкөнүн БУУнун Коопсуздук Кеңешинин туруктуу эмес мүчөсү болуп шайланышы менен куттуктады. Бул тууралуу Казакстандын президентинин расмий баракчасына жарыяланды.

Токаев өз куттуктоосунда бул маанилүү окуя Кыргызстан үчүн гана эмес, бүтүндөй Борбор Азия үчүн тарыхый мааниге ээ экенин айтты.

"Кыргыз Республикасынын президентинин жетекчилиги астында жүргүзүлүп жаткан жаратман жана конструктивдүү тышкы саясаттын натыйжасында Кыргызстандын эл аралык кадыр-баркы жогорку деңгээлде таанылды. Казакстан Кыргызстандын талапкерлигин ырааттуу түрдө колдоп келген жана мындан ары да бул жооптуу миссияны аткарууда ар тараптуу колдоо көрсөтүүгө даяр. Кыргызстанга БУУнун Коопсуздук Кеңешинде ийгиликтүү жана үзүрлүү иш каалайм", — деп билдирди ал куттуктоодо.

Кечээ, 3-июнда, Кыргызстан тарыхта биринчи жолу БУУнун Коопсуздук Кеңешинин туруктуу эмес мүчөсү болуп шайланды. Өлкөгө 142 мамлекет оң добушун берди. Эми Кыргызстан уюмдун негизги органдарынын биринин курамында 2027–2028-жылдары иш алып барат.