Жакынкы аралыкта Казакстан кыргыз-казак чек арасында жаңыланган “Кордай” өткөрүү пунктун ачууга даяр. Бул тууралуу Казакстандын президенти Касым-Жомарт Токаев билдиргенин аталган өлкөнүн расмий сайтына жарыяланган.

Токаев эки тараптуу кызматташуунун маанилүү аспектиси – чек арада өлкөлөр аралык мүмкүнчүлүктү жогорулатуу экенин белгиледи.

“Жабдуулар жаңыртылды, сегиз тилкелүү унаа жолу курулду жана бул иш улантылат, паспорттук көзөмөл режими өркүндөтүлдү. Бул эки өлкөнүн ортосундагы жүргүнчүлөрдү ташууну жана транспорттун көлөмүн кыйла жогорулатууга мүмкүндүк берет”, – деди Казакстан президенти.

Токаевдин айтуусунда, келишимге ылайык, Кыргызстан жакын арада “Ак-Жол” өткөрүү пунктундагы тиешелүү иштерди бүтүрөт.