Мажилистин депутаттары Казакстандын премьер-министрлик кызматына Алихан Смаиловдун талапкерлигин колдошту, деп билдирет Tengrinews.kz.

Алихан Смаиловдун талапкерлиги бир добуштан колдоого алынды.

Мурдагы өкмөт Казакстанда 2022-жылдын 2-январында башталган массалык нааразылык акцияларынан кийин кызматтан алынган. Мангистау облусунун Жаңы-Өзөн жана Актау тургундары суюлтулган газдын кымбатташына каршы чыгышып, андан соң нааразылык акциялары башка аймактарга да жайылган.

Президент Касым-Жомарт Токаев республикага өзгөчө кырдаал киргизип, Коопсуздук кеңешин жетектеген. Анын өтүнүчү менен ЖККУ өлкөлөрү Казакстанга бейпилдик күчтөрүн жөнөткөн. Ал жакка Кыргызстандан “Скорпион” атайын аскерлери да жиберилген.