2022-жылдын 19-июлундагы банктар аралык валюта аукционунда Кыргызстандын банктары 7,6 миллион долларды сатып алышты. Бул тууралуу Улуттук банктан билдиришти.
Келишим түзүлгөн күндөгү эсептешүүлөрдүн суммасы 4,6 миллион долларды, ал эми келишим түзүлгөн күндөн башка күндөгү эсептешүүлөр менен 3 миллион долларды түздү. Акыркы жолу мындай чоң сумма 1-июлдагы аукциондо 9 миллион 50 миң доллар болгон.
19-июлда америкалык валюта 1 долларга 79,5 сом ачуу жана жабуу курсу менен сатылып алынган. Буга чейин доллар ушул курс менен 2022-жылдын 5-июлунда сатылып, 5,9 миллион доллар сатылып алынган.
