Курулуш министрлигине караштуу Кемин райондук шаар куруу жана архитектура башкармалыгы шаардагы дүкөндөрдүн, банктардын жана башка коомдук объектилердин сырткы көрүнүшүнүн эскиздик долбоорлорун иштеп жатат. Бул тууралуу министрликтин басма сөз кызматы билдирди.

Бул долбоорлор имараттардын фасаддарынын түсүн, архитектуралык чечимдерин жана көрнөк-жарнактарды жайгаштырууну бирдиктүү дизайн-кодго ылайыкташтырууну карайт. Иш-чаранын негизги максаты — шаардын эстетикалык көрүнүшүн жакшыртуу жана архитектуралык бир түрдүүлүктү камсыз кылуу.

Учурда архитекторлор Кемин шаарын бирдиктүү дизайн кодго келтирүү үчүн тиешелүү документтерди даярдоо иштерин улантып жатканы айтылды.